எங்களை பற்றி

DFCC வங்கி: இலங்கையின் நிதியியல் எதிர்காலத்தை செதுக்கி வருகிறது

1955ஆம் ஆண்டு முதல் இலங்கையின் பொருளாதார அபிவிருத்தியை முன்னெடுக்கும் வலிமைமிக்க உந்துசக்தியாக DFCC வங்கி திகழ்ந்து வருகின்றது. இலங்கை அரசாங்கம் மற்றும் உலக வங்கி ஆகியவற்றுக்கு இடையிலான ஒத்துழைப்பின் மூலமாக, தொழில்முயற்சியாளர்களுக்கு வலுவூட்டி, புத்தாக்கத்திற்கு நிதி வசதி அளித்து, மற்றும் நாட்டின் எதிர்காலத்தை செதுக்கும் தொழில்துறைகளை கட்டியெழுப்புவதற்காக தேசத்தின் முதலாவது அபிவிருத்தி வங்கியாக DFCC ஸ்தாபிக்கப்பட்டது.

நமது பரிணாமம்

அபிவிருத்தியில் முன்னோடி என்பதிலிருந்து ஒட்டுமொத்த சேவைகளையும் வழங்கும் நிதி கூட்டாளராக மாற்றம்

DFCC வங்கி ஒரு தெளிவான இலக்குடன் பயணத்தை ஆரம்பித்தது: நீண்ட கால வளர்ச்சிக்கு நிதியளித்து, தனியார் தொழில் முயற்சிகளுக்கு ஆதரவளிப்பதே அந்த இலக்கு. தனியார் துறையின் பங்கேற்பை ஊக்குவிக்கும் தனித்துவமான கட்டமைப்புடன், பிராந்தியத்திலேயே தர ஒப்பீட்டின் அடையாளமாக DFCC மிக வேகமாக மாறியது.

1956ம் ஆண்டிலேயே கொழும்பு தரகர்கள் சங்கத்தில் நிரற்படுத்தப்பட்டு, நாம் எப்போதும் முற்போக்கான சிந்தனையுடனும், செயற்பாட்டுடனும் பயணித்து வருகிறோம். DFCC வர்தன வங்கியுடனான மூலோபாய ஒருங்கிணைப்பு நடவடிக்கை மூலமாக DFCC வங்கி பிஎல்சி தோற்றம் பெற்றதுடன், வாடிக்கையாளர்கள் மற்றும் முதலீட்டாளர்கள் ஆகிய இரு தரப்பினருக்கும் மிக சிறந்த சேவைகளை வழங்கி, முழுமையான அனுமதி உரிமம் பெற்ற வர்த்தக வங்கியாக பரிணாம வளர்ச்சி கண்டுள்ளது.

இன்று நாம் என்ன செய்கிறோம்

நோக்கத்துடன் கூடிய சமநிலையான துறை

அபிவிருத்தி மற்றும் வர்த்தக வங்கியாக, தனிநபர் வங்கிச்சேவை, சிறிய மற்றும் நடுத்தர தொழில் முயற்சிகளுக்கான கடன்கள், வர்த்தக வங்கிச்சேவை, புதுப்பிக்கத்தக்க எரிசக்தி செயற்திட்ட கடன் என பல்வகைப்பட்ட நிதித் தீர்வுகளை DFCC வழங்கி வருகிறது. எமது தீர்வுகள் துறையில் சுமார் அரைவாசி இன்னமும் அபிவிருத்திக் கடன்களுக்கு அர்ப்பணிக்கப்பட்டுள்ளமை, தேசிய அபிவிருத்தியில் நாம் தற்போது கொண்டுள்ள விடாமுயற்சியைப் பிரதிபலிக்கின்றது.

மூலதனத்தை தேடுகின்ற தொடக்க வணிக முயற்சியானாலும் சரி அல்லது பாரிய உட்கட்டுமான செயற்திட்டமானாலும் சரி, இலங்கையில் மிகவும் பாரிய முயற்சிகள் பலவற்றுக்கு பின்னாலுள்ள நம்பிக்கைக்குரிய நாமமாக DFCC காணப்படுகின்றது.

DFCC ஐ ஏன் தெரிவு செய்ய வேண்டும்

வாடிக்கையாளர்களுக்கு: திறன்மிக்க, எளிமையான வங்கிச்சேவை

சௌகரியமான, டிஜிட்டல் முறையில் முன்னெடுத்து செல்லப்படும் வங்கிச்சேவை அனுபவத்தை வழங்குவதற்காக நாம் தொடர்ச்சியாக புத்தாக்கங்களை மேற்கொண்டு வருகிறோம்:

DFCC வன் செயலி - பணமில்லா கொடுக்கல்வாங்கல் நடவடிக்கையில் புரட்சிகரமான மாற்றத்தை ஏற்படுத்தி வருகிறது.
லங்கா மணி டிரான்ஸ்ஃபர் - எந்தவொரு LMT கூட்டாளருக்கும் உடனடி பணப்பரிமாற்றம்.
EMV தொழில்நுட்பம் கொண்ட கடனட்டைகள் - அட்டையை பயன்படுத்தும் ஒவ்வொரு முறையும் 1% கேஷ்பேக் சலுகையை இலங்கையில் முதல்முதலாக அறிமுகப்படுத்தியமை.
நாடளாவியரீதியில் அணுகல் வசதிக்கு 139 கிளைகள் மற்றும் லங்கா பே வலையமைப்பின் ஊடாக 4,000+ ATM மையங்கள்

வங்கிச்சேவையை தனிப்பயனாக்கம் செய்யப்பட்டதாக, இலகுவில் அணுகக்கூடியதாக, மற்றும் எதிர்காலத்திற்கு ஏற்றதாக நாம் மாற்றியமைக்கிறோம்.

முதலீட்டாளர்களுக்கு: வலுவான அத்திவாரங்கள், மூலோபாய வளர்ச்சி

நிதியியல் தலைமைத்துவத்தில் 70 ஆண்டுகளுக்கும் மேற்பட்ட வரலாற்றுடன், நெகிழ்திறன், புத்தாக்கம், மற்றும் மதிப்பு ஆகியவற்றிற்கு தனித்துவமான நாமமாக DFCC திகழ்ந்து வருகிறது. பலதரப்பட்ட பங்குதாரர் தளத்தின் பக்கபலம் மற்றும் உறுதியான வரலாற்று தடத்துடன் பின்வரும் வழிகளில் நிலைபேணத்தக்க பலாபலன்களை நாம் தொடர்ந்தும் தோற்றுவித்து வருகிறோம்:

அபிவிருத்தி மற்றும் வர்த்தக வங்கிச்சேவை
முதலீட்டு வங்கிச்சேவை மற்றும் சொத்து முகாமைத்துவம்
தகவல் தொழில்நுட்ப சேவைகள் மற்றும் ஆலோசனை
கைத்தொழில் பேட்டை முகாமைத்துவம்

வெற்றிகரமான பரிணாம மாற்றத்தின் முன்மாதிரியாக DFCC வங்கியை உலக வங்கி அங்கீகரித்துள்ளது. அது குறித்த நோக்கத்துடனான வளர்ச்சியின் மீது தொடர்ந்தும் கவனம் செலுத்தியுள்ளது.

எமது வரலாறு

அபிவிருத்திக்காக உருவாக்கப்பட்டது. வலுவூட்டுவதற்காக வளர்ச்சி கண்டது.

1955ஆம் ஆண்டில் ஸ்தாபிக்கப்பட்ட DFCC வங்கி, ஆசியாவின் பழமைவாய்ந்த அபிவிருத்தி வங்கிகளுள் ஒன்றாக திகழ்ந்து வருவதுடன், இலங்கையின் நிதி துறையில் ஒரு முன்னோடியாகும். பாராளுமன்ற சட்டத்தின் கீழ் ஸ்தாபிக்கப்பட்ட இவ்வங்கி, தனியார் துறையின் பங்குபற்றலுடன் சுதந்திரத்திற்கு பின்னரான கைத்தொழில் வளர்ச்சிக்கு உந்துசக்தியளிப்பதற்காக உருவாக்கப்பட்டதுடன், அபிவிருத்திக்கான கடன் வழங்கலில் அரச-தனியார் துறை ஒத்துழைப்பின் தனித்துவமான ஆரம்பத்தின் அடையாளமாக மாறியது.

பல்வேறு சேவைகளை முதன்முதலாக ஆரம்பித்த பாரம்பரிய சிறப்பு

வளர்ச்சியில் முன்னோடி, கைத்தொழில்களின் வளர்ச்சிக்கு ஏணிப்படி

வணிக முயற்சிகள் ஆரம்பிக்கப்படும் கட்டம் முதல், மிகவும் நிச்சயமின்மை நிலவும் கட்டங்கள் வரை அவற்றுக்கு நிதி வசதிகளை வழங்கி, நாட்டில் தனியார் துறையை கட்டியெழுப்புவதில் DFCC வங்கி பல தசாப்தங்களாக ஒரு நெம்புகோலாக உழைத்து வந்துள்ளது. ஆடையணி, விவசாயம், கட்டுமானம், சுகாதாரப் பராமரிப்பு, உற்பத்தி, தொலைதொடர்பாடல், மற்றும் சுற்றுலாத்துறை போன்ற துறைகளில் இன்று சிறப்பாகச் செயற்பட்டு வருகின்ற இலங்கையின் முன்னணி நிறுவனங்கள் பலவும் DFCC ன் ஆதரவுடன் தமது பயணங்களை ஆரம்பித்தமை குறிப்பிடத்தக்கது.

சிறிய மற்றும் நடுத்தர அளவிலான தொழில் முயற்சிகள், விருந்தோம்பல், மொபைல் தொலைதொடர்பாடல்கள், மற்றும் புதுப்பிக்கத்தக்க எரிசக்தி போன்ற முக்கிய துறைகளை நாம் முன்னின்று வழிநடாத்தியுள்ளோம். எமது செல்வாக்கு கடன் வழங்குவதற்கும் அப்பாற்பட்டது என்பதுடன், வணிகங்களுக்கான அனுசரணை மற்றும் ஆற்றல் மேம்பாடு ஆகியவற்றில் கவனம் செலுத்துகிறோம்.

நோக்கத்துடன் கூடிய பரிணாம வளர்ச்சி

விசேட வங்கி என்ற ஸ்தானத்திலிருந்து முழுமையான சேவைகளையும் வழங்கும் வங்கி என்ற வளர்ச்சி

அதிகரித்து செல்கின்ற மற்றும் பல்வகைப்பட்ட வாடிக்கையாளர் தளத்திற்கு சிறப்பான சேவையை வழங்குவதற்காக, DFCC தன்னை ஒரு விசேட அபிவிருத்தி வங்கி என்ற ஸ்தானத்திலிருந்து, முழுமையான சேவைகளையும் வழங்கும் வர்த்தக வங்கியாக மாற்றம் காண செய்தது. DFCC வர்தன வங்கியின் ஆரம்பத்துடன் இந்த மாற்றம் விரைவுபடுத்தப்பட்டதுடன், இதன் மூலமாக தனிநபர் வங்கிச்சேவை மற்றும் பரந்துபட்ட தயாரிப்புக்கள் மற்றும் தீர்வுகள் வரிசையும் அறிமுகப்படுத்தப்பட்டது.

2015ஆம் ஆண்டில் 2007ஆம் ஆண்டு கம்பனிகள் சட்ட இலக்கம் 07 ன் கீழ் DFCC வங்கி பிஎல்சி கூட்டிணைப்பு செய்யப்பட்டது. அதே ஆண்டின் பிற்பகுதியில் வங்கியும், அதன் துணை நிறுவனமும் ஒன்றிணைக்கப்பட்டு, இலங்கை மத்திய வங்கியின் மேற்பார்வையின் கீழ் முழுமையான வர்த்தக வங்கியாக அது தோற்றுவிக்கப்பட்டது. இந்த மூலோபாய ஒன்றிணைப்பானது இரு நிறுவனங்களினதும் பலங்களை ஒன்றுசேர்த்ததுடன், ஒருங்கிணைக்கப்பட்ட நிதித் தீர்வுகள் வரிசையுடன் தனிநபர்கள், சிறிய மற்றும் நடுத்தர அளவிலான தொழில் முயற்சிகள், மற்றும் பெருநிறுவனங்களுக்கு சேவைகளை வழங்குவதற்கு DFCC க்கு இடம் கிடைத்தது.

எல்லைகளின் விரிவாக்கம்

வங்கிச்சேவைக்கு அப்பால், முழுமையான நிதி வழங்கலை நோக்கி

இன்று பல்வகைப்பட்ட நிதி சேவைகள் குழுமமாக DFCC இயங்கி வருகிறது. துணை நிறுவனங்கள், கூட்டு வர்த்தக முயற்சிகள், மற்றும் மூலோபாய கூட்டாண்மைகள் ஆகியவற்றினூடாக முதலீட்டு வங்கிச்சேவை, அலகு நிதியங்கள், பங்குத்தரகு சேவை, தொழில் முயற்சி மூலதனம், கைத்தொழில் பேட்டை முகாமைத்துவம், ஆலோசனை, மற்றும் தகவல் தொழில்நுட்ப தீர்வுகள் ஆகியவற்றை நாம் வழங்குவதுடன், நிதிக் கட்டமைப்பின் ஒவ்வொரு முனையின் மத்தியிலும் மதிப்பை வழங்கி வருகிறோம்.

134 கிளைகள், மற்றும் 2,000 க்கும் மேற்பட்ட ஊழியர்களின் துணையுடன் எமது சேவைகள் நாடளாவியரீதியில் கிடைக்கப்பெறுகின்றன. லங்கா பே வலையமைப்பின் கீழ் 4,000+ ஏ.டி.எம். மையங்கள், DFCC ஆன்லைன், மொபைல் வங்கிச்சேவை, மற்றும் DFCC மை ஸ்பேஸ் (சுய-வங்கிச்சேவை) போன்ற டிஜிட்டல் தளங்கள் மூலமாக வாடிக்கையாளர்கள் எங்கேயும், எப்போதும் இடைவிடாத, சௌகரியமான வழியில் எமது சேவைகளை அனுபவித்து வருகின்றனர்.

Brand